Árið gert upp á Suðurland FM

Í dag kl. 12 fer í loftið sunnlenskur annáll á útvarpsstöðinni Suðurland FM en þátturinn verður endurfluttur kl. 13 á nýársdag.

Árið hefur verið viðburðaríkt og til að gera það upp mæta á svæðið fjölmiðlamenn landshlutans og sveitastjórnarmenn úr stærstu sveitafélögunum.

Auk þeirra verða á svæðinu þingmenn Suðurkjördæmis, þau Sigurður Ingi Jóhannson, Unnur Brá Konráðsdóttir og Oddný G. Harðardóttir ásamt Ólafi Helga Kjartanssyni, fyrrverandi sýslumanni.

Meðal annars verður greint frá því í þættinum hver sigraði í kosningunni um Sunnlending ársins 2014 á sunnlenska.is og hverjir voru íþróttamenn ársins hjá Sportþættinum Mánudagskvöld á Suðurland FM.

Suðurland FM er á bylgjulengdinni fm 96,3 á Suðurlandi, 93,3 í Vestmannaeyjum og nágrenni en einnig er hægt að hlusta á netinu.

Umsjónarmenn eru þeir Valdimar Bragason og Sigmundur Sigurgeirsson.