Nýr samningur um úrgangsþjónustu í Árborg var undirritaður í síðustu viku. Lægstbjóðendur voru Íslenska gámafélagið og mun því samstarf Árborgar og ÍGF halda áfram til næstu tveggja ára með möguleika á tveggja ára framlengingu.
Íslenska gámafélagið hefur sinnt úrgangsþjónustu í Árborg í fjölda ára og í tilkynningu frá Árborg segir að sveitarfélagið sé mjög ánægt með að geta haldið áfram því góða samstarfi.
Grenndarstöðvum fjölgar
Nýr samningur tekur gildi 1. ágúst næstkomandi og eru helstu breytingarnar þær að grenndarstöðvum verður fjölgað og hefur það verkefni reynst gríðarlega vel og umgengni verið til fyrirmyndar. Vonast er til að grenndarstöðvar verði komnar upp í haust.