Bæjarráð Árborgar samþykkti á síðasta fundi sínum að segja upp samningum um milliinnheimtu við innheimtufyrirtækið Intrum.
Uppsagnarfrestur er sex mánuðir og verður sá tími nýttur til að endurskoða fyrirkomulag innheimtu.
Í bókun bæjarráðs segir að leitað verði tilboða í milliinnheimtu þar sem hagsmunir íbúa og sveitarfélagsins verði hafðir í fyrirrúmi.
Tillagan var samþykkt með tveimur atkvæðum meirihlutans en Eggert Valur Guðmundsson, S-lista, sat hjá.