Árborg gerir styrktarsamning við Veiðisafnið

Sveitarfélagið Árborg og Veiðisafnið á Stokkseyri hafa skrifað undir styrktar- og samstarfssamning sem felur í sér árlegan stuðning sveitarfélagsins við veiðisafnið og verkefni sem safnið tekur þátt í.

Veiðisafnið tekur árlega á móti tveimur árgöngum af grunnskólabörnum í heimsókn á safnið ásamt því að vera í samstarfi við kennara um verkefni tengd náttúrufræði og náttúruvernd.

Veiðisafnið býður að auki börnum í fylgd með forráðamönnum frítt inn á safnið á bæjar- og menningarhátíðinni Vor í Árborg sem haldin er í apríl ár hvert.