Veðurstofan hefur gefið út appelsínugula viðvörun fyrir Suðurland og Suðausturland sem gildir frá kl. 16 á morgun, laugardag.
Búist er við austan 20-28 m/sek með mjög snörpum vindhviðum við fjöll, og hvassast verður austantil á svæðinu.
Einnig má búast við snjókomu eða slyddu og skafrenningi með lélegu skyggni og hættulegum akstursskilyrðum. Ekkert ferðaveður verður á Suðurlandi.
Viðvörunin gildir frá kl. 16:00 til 23:00 á Suðurlandi og frá kl. 18 til miðnættis á Suðausturlandi.