Veðurstofan hefur gefið út appelsínugula viðvörun fyrir Suðurland sem gildir á milli klukkan 7 og 13 á fimmtudag, vegna roks og stórhríðar.
Gert er ráð fyrir suðaustan 20-28 m/sek og vindhviðum staðbundið yfir 40 m/sek. Einnig má búast við talsverðri snjókomu eða slyddu með slæmu skyggni og versnandi færð. Ekkert ferðaveður verður á svæðinu og einnig er hætta á foktjóni og er fólk er hvatt til að tryggja lausamuni.
Á Suðausturlandi er gul viðvörun í gildi á milli klukkan 8 og 16. Þar verður austan 18-25 m/sek og vindhviður staðbundið yfir 35 m/sek, en hægari austan Öræfa. Einnig má búast við talsverðri snjókomu eða slyddu með slæmu skyggni og versnandi færð og varasömu ferðaveðri.