Veðurstofan hefur gefið út appelsínugula viðvörun fyrir Suðurland sem gildir frá klukkan 11 á föstudagsmorgun, til klukkan 17 síðdegis.
Gert er ráð fyrir suðaustan stormi 23-28 m/sek, snörpum vindhviðum við fjöll og slæmu ferðaveðri. Lægðinni fylgir talsverð úrkoma, fyrst í formi slyddu en síðan hlýnar og fer að rigna.
Fólk er hvatt til að hreinsa frá niðurföllum til að forðast vatnstjón vegna rigningar og leysingavatns.