Síðastliðin vika hefur verið annasöm hjá Sjúkraflutningamönnum á Suðurlandi. Alls hafa sjúkrabílar Heilbrigiðisstofnunar Suðurlands sinnt 61 útkalli.
Þegar hringt er í Neyðarlínuna 112, flokkar neyðarvörður alvarleika útkallsins í forgangsflokka. F1 og F2 eru alvarlegustu útköllin, þar sem sjúkrabíll fer á bláum ljósum og með sírenu. F3 er forgangsútkall sem krefst ekki blárra ljósa eða sírenu. F4 er svo fyrirfram ákveðin flutningur á milli stofnana, til dæmis vegna rannsókna til dæmis.
Í liðinni viku voru 45 af 61 útkalli forgangsútköll.
Sjúkraflutningamenn á Suðurlandi hvetja Sunnlendinga og gesti þeirra til þess að fara varlega yfir hátíðarnar og koma heil heim.