Anna Erla ráðin leikskólastjóri

Anna Erla Valdimarsdóttir hefur verið ráðin leikskólastjóri Leikskólans Undralands í Hveragerði í veikindafjarveru Sesselju Ólafsdóttur, leikskólastjóra.

Anna Erla tók við starfinu þann 1. febrúar sl.

Hún er leikskólakennari að mennt hefur starfað á Undralandi um árabil. Fyrst sem leiðbeinandi en að lokinni útskrift árið 1998 hefur hún starfað þar sem deildarstjóri og nú síðast sem aðstoðarleikskólastjóri í afleysingu.

Anna Erla hefur sótt fjölda námskeiða tengd starfinu og er því vel búin undir nýjan starfsvettvang.