Rétt fyrir kl. 22 í gærkvöldi barst lögreglunni tilkynning um alvarlegt vinnuslys í grennd við Kirkjubæjarklaustur. Þar hafði maður slasast þegar hann var að vinna við heyvinnuvél.
Þyrla Landhelgisgæslunnar var ræst út og var maðurinn fluttur á slysadeild Landspítalans í Reykjavík.
Samkvæmt upplýsingum frá lögreglunni á Suðurlandi, sem rannsakar tildrög slyssins, er maðurinn alvarlega slasaður en ekki í lífshættu.