Fjórir voru fluttir með þyrlu á Landspítalann eftir bílveltu á Suðurlandsvegi, skammt frá Núpsstað í Skaftárhreppi skömmu fyrir klukkan þrjú í dag.
Fjórir erlendir ferðamenn voru í bílnum og er einn þeirra alvarlega slasaður, samkvæmt upplýsingum frá lögreglunni á Suðurlandi. Þyrlan lenti við Landspítalann með fólkið um klukkan 17:15.
Lögreglan á Suðurlandi rannsakar tildrög slyssins.