Alvarlegt umferðarslys varð í Ölfusinu á fimmta tímanum í dag á gatnamótum Suðurlandsvegar og Hvammsvegar.
Vísir greinir frá þessu og segir að fimm hafi verið fluttir á sjúkrahús til aðhlynningar, þar af er einn talinn nokkuð alvarlega slasaður.
Fjölmennt lið viðbragðsaðila fór á vettvang, meðal annars tækjabíll frá Brunavörunum Árnessýslu. Veginum var lokað á meðan viðbragðsaðilar athöfnuðu sig og var umferð beint um Ölfusveg.