Alvarlegt umferðarslys varð austan við Vík í Mýrdal um klukkan 16 í dag þar sem bíll og mótorhjól lentu í árekstri.
Þyrla Landhelgisgæslunnar var kölluð á vettvang, ásamt lögreglu og sjúkraflutningamönnum frá HSU.
Í tilkynningu frá lögreglunni á Suðurlandi segir að ekki sé unnt að veita upplýsingar um meiðsli fólks að svo stöddu. Lögreglan á Suðurlandi rannsakar tildrög slyssins.
Suðurlandsvegur er lokaður að hluta austan við Vík vegna slyssins og lögregla stjórnar umferð á vettvangi.