Alvarlegt umferðarslys varð á Laugarvatnsvegi uppúr klukkan 18 í kvöld. Laugarvatnsvegur verður lokaður frá Biskupstungnabraut að Þóroddsstöðum um óákveðinn tíma á meðan viðbragðsaðilar eru við vinnu á vettvangi.
Þetta kemur fram í tilkynningu frá lögreglunni á Suðurlandi en ekki er unnt að veita frekari upplýsingar að sinni.
Þyrla Landhelgisgæslunnar var kölluð út vegna slyssins og er komin á slysstað.
Uppfært klukkan 19:50 – Búið er að opna fyrir umferð um Laugarvatnsveg.