Tveir voru fluttir alvarlega slasaðir á sjúkrahús eftir umferðarslys á Biskupstungnabraut, austan við Tannastaði undir Ingólfsfjalli, um klukkan hálf níu í kvöld.
Fólksbíll fór útaf veginum og valt en glerhálka er á vettvangi. Sex manns voru um borð í bílnum. Fjórir voru fluttir á sjúkrahúsið á Selfossi og eru meiðsli þeirra minniháttar. Tveir voru fluttir á sjúkrahús í Reykjavík, annar þeirra með þyrlu Landhelgisgæslunnar. Þeir eru báðir alvarlega slasaðir.
Fjölmennt sjúkralið, ásamt lögreglu frá Selfossi og Hvolsvelli og tækjabílum frá Brunavörnum Árnessýslu á Selfossi og Hveragerði var kallað á vettvang.
Vegurinn verður lokaður frameftir kvöldi á meðan lögregla vinnur á vettvangi.
UPPFÆRT KL. 22:03
UPPFÆRT KL. 23:40: Biskupstungnabraut hefur nú verið opnuð fyrir umferð.