Lyngdalsheiðarvegi hefur verið lokað um óákveðinn tíma vegna alvarlegs umferðarslyss.
Neyðarlínan fékk boð um slysið um klukkan hálffjögur í dag og var talsverður viðbúnaður vegna þess en auk lögreglu og sjúkrabíla fóru tækjabílar frá Brunavörnum Árnessýslu á Laugarvatni og Selfossi á vettvang.
Um er að ræða árekstur tvegga bifreiða. Viðbragðsaðilar og rannsóknarnefnd umferðarslysa er nú við vinnu á vettvangi. Ekki liggur fyrir hversu lengi lokunin varir.
UPPFÆRT KL. 19:14 Vegurinn hefur verið opnaður en búast má við töfum á umferð fram eftir kvöldi.