Alvarlegt köfunarslys í Silfru

Klukkan 12:42 barst lögreglunni á Suðurlandi tilkynning um köfunarslys í Silfru á Þingvöllum. Þar hafði erlend kona á þrítugsaldri lent í vandræðum við köfun.

Konunni var bjargað á land þar sem hlúð var að henni en síðan var hún flutt með þyrlu Landhelgisgæslunnar á Reykjavíkurflugvöll þar sem sjúkrabifreið beið og flutti hana á Landspítalann við Hringbraut.

Ekki er vitað um ástand konunnar en það er talið alvarlegt.

Rannsóknardeild lögreglunnar á Suðurlandi rannsakar atvikið en lögreglan getur ekki veitt frekari upplýsingar að svo stöddu.