Alvarlegt bifhjólaslys í Öræfum

sunnlenska.is/Guðmundur Karl

Lögregla og viðbragðsaðilar eru nú við vinnu á vettvangi alvarlegs bifhjólaslyss skammt vestan Stigár í Öræfum.

Slysið var tilkynnt til neyðarlínu kl. 13:36 í dag. Stigá er skammt austan við Hnappavelli, nokkurn veginn miðja vegu milli Kirkjubæjarklausturs og Hornafjarðar.

Umferð er stýrt framhjá vettvangi og má búast við töfum þar á meðan á vinnu stendur.

Lögreglan á Suðurlandi getur ekki veitt frekari upplýsingar um máli að svo stöddu.