Lögreglan á Selfossi lýsir enn eftir bifreiðinni AU-764 sem er Toyota Yaris árgerð 2007, hvít að lit. Bifreiðinni var stolið úr bílageymslu fjölbýlishúss á Selfossi í febrúar.
Bifreiðinni var stolið úr bílageymslu fjölbýlishúss við Fossveg 4 á Selfossi einhvern tímann á tímabilinu frá 18. febrúar kl. 15 til 20. febrúar kl. 11:45.
Ekkert hefur spurst til bifreiðarinnar síðan þá, og er það ósk lögreglunnar á Selfossi að almenningur liðsinni lögreglu við leitina að bifreiðinni og svipist um eftir bifreiðinni í sínu næsta nágrenni, en bifreiðina gæti verið að finna hvar sem er á landinu.
Eigandi bifreiðarinnar er eldri kona og er afnotamissir hennar af bifreiðinni henni afar þungbær.
Þeim sem kunna að verða varir við bifreiðina er vinsamlegast bent á að hafa samband við Lögregluna á Selfossi í síma 480 1010.