Löng bílaröð er nú niður Kambana vegna umferðaróhapps sem varð við hringtorgið í Hveragerði eftir hádegi í dag.
Samkvæmt upplýsingum frá Lögreglunni á Suðurlandi er um að ræða þriggja bíla árekstur en ekki urðu alvarleg slys á fólki. Vegurinn er ekki lokaður en umferðin gegngur mjög hægt.
Lögreglu- og sjúkrabílar eru á staðnum og ekki er ljóst á þessarri stundu hvenær opnað verður fyrir umferð aftur.