Slökkviliðsmenn frá Brunavörnum Árnessýslu á Selfossi eru búnir að fara í þrjú útköll í dag þar sem vatn hefur leitað inn í hús.
„Þetta eru tvö útköll á Selfossi þar sem hefur þurft að hreinsa upp vatn. Við erum ekki enn að sjá að vatn sé að koma upp um niðurföll í kjöllurum en skotrennur hafa verið stíflaðar af klaka og vatnið þá leitað undir klæðningu. Á Stokkseyri var svo útkall þar sem hús var umflotið vatni og farið að berast inn í hús,“ sagði Halldór Ásgeirsson, varðstjóri hjá BÁ, í samtali við sunnlenska.is. „Það verða örugglega áframhaldandi svona verkefni í dag.“
Mikið vatn er víða á götum í þéttbýlisstöðum og keppast menn við að opna frá niðurföllum með ýmsum ráðum.
