UPPFÆRT 19:30: Búið er að opna Sandskeið og Þrengsli.
UPPFÆRT 15:41: Búið er að opna Suðurstrandarveg.
Búið er að loka Hellisheiði, Þrengslum og Sandskeiði vegna óveðurs. Mosfellsheiði, Lyngdalsheiði og Þingvallavegi hefur einnig verið lokað. Suðustrandarvegur er einnig lokaður.
Þá er Þjóðvegur 1 lokaður á milli Hvolsvallar og Jökulsárlóns.
Appelsínugul viðvörun er í gildi á Suðurlandi frá klukkan 12 til klukkan 20 í kvöld og á Suðausturlandi frá klukkan 11 til 23.
Búist er við austan 20-28 m/sek og vindhviðum yfir 40 m/sek. Rigning eða slydda, en snjókoma og skafrenningur til fjalla með slæmu skyggni og versnandi færð og ekkert ferðaveður.
