Hellisheiði, Þrengslum, Suðurstrandarvegi og Mosfellsheiði hefur verið lokað vegna veðurs. Það sama gildir um Lyngdalsheiði, Eyrarbakkaveg og Suðurlandsveg milli Selfoss og Hellu.
Gul viðvörun er í gildi á Suðurlandi frá því klukkan 8:15 í morgun og fram að hádegi. Austan hvassviðri, 15-20 m/sek með snjókomu og skafrenningi.
Í tilkynningu frá Vegagerðinni segir að ekkert ferðaveður sé á sunnan- og suðvestanverðu landinu. Vegfarendur eru beðnir um að fresta öllum ferðum um Suðvesturland og Suðurland fram yfir hádegi. Reiknað er með opnunum vega í hádeginu eða fljótlega eftir hádegi.
UPPFÆRT 11:49: Búið er að opna Eyrarbakkaveg, Þorlákshafnarveg og Suðurlandsveg milli Selfoss og Hellu.
UPPFÆRT 12:45: Þrengslin eru opin.
UPPFÆRT 14:00: Búið er að opna allar helstu leiðir.