Álfheiður Eymarsdóttir, varaþingmaður Pírata í Suðurkjördæmi, gefur kost á sér til að leiða lista Pírata í kjördæminu í komandi Alþingiskosningum.
Álfheiður er fædd á Höfn í Hornafirði en er nú búsett á Selfossi og hefur tekið þátt í sveitarstjórnarmálum þar. Hún er menntaður stjórnmálafræðingur, situr í stjórn RARIK og hefur m.a. starfað sem embættismaður hjá Reykjavíkurborg og rekið eigin fiskverkunar- og úflutningsfyrirtæki.
Hún hefur verið varaþingmaður á yfirstandandi kjörtímabili fyrir Smára McCarthy og hefur sem slík sest sjö sinnum á þing á kjörtímabilinu.
Skráning í prófkjör Pírata stendur yfir til 3. mars, en þann dag hefst jafnframt prófkjörið sjálft á kosningavef Pírata.