Spóinn á myndinni hér að ofan sást í Galisíu á Spáni fyrir fáum dögum. Borgný Katrínardóttir merkti þennan fugl í Smáratúni í Fljótshlíð árið 2009 og er hann því að minnsta kosti 18-19 ára gamall og mögulega eldri.
Tómas Grétar Gunnarsson, forstöðumaður Rannsóknaseturs Háskóla Íslands á Suðurlandi, greinir frá þessu í Facebookhópnum Fuglafréttir úr Rangárvallasýslu.
Tómas segir að sér sé ekki kunnugt um eldri íslenska spóa en einn endurheimtist þó á Hjaltlandseyjum fyrir nokkrum árum sem reyndist hafa verið merktur 24 árum fyrr.
Spóarnir skila sér með seinni skipunum til landsins á vorin en þeir fyrstu létu sjá sig seint í apríl. Vetrarstöðvar spóans eru í Vestur-Afríku en lítill hluti stofnsins heldur til á Spáni og í Portúgal. Hann flýgur svo á norðurslóðir á vorin en um 40% af spóastofninum verpir á Íslandi.