Áfram Ísland boðar til opins fundar á Sviðinu í miðbæ Selfoss á morgun, miðvikudaginn 22. júlí kl. 17:00.
Á fundinum verður fjallað um stöðu Íslands, framtíðarhagsmuni þjóðarinnar og þau álitaefni sem upp koma í aðdraganda þjóðaratkvæðagreiðslunnar.
Ræðumenn fundarins verða Guðmundur Fertram, stofnandi og forstjóri Kerecis, Margrét Hrund Arnarsdóttir, bóndi, Bjarni Harðarson, bókaútgefandi og Oddný Steina Valsdóttir, bóndi og ráðunautur.
Stefán Pálsson, sagnfræðingur, mun stýra fundinum sem er öllum opinn, en skráning fer fram á heimasíðu Áfram Íslands.
Að fundi loknum gefst gestum kostur á að ræða við ræðumenn og forsvarsmenn Áfram Íslands.
