„Við fundum fyrir miklum vilja frá öðrum sveitarfélögum að Árborg myndi halda áfram í þessum samstarfi, enda Árborg ákveðinn kjarni vegna stærðar sinnar,“ segir Eyþór Arnalds, formaður bæjarráðs Árborgar.
Ákveðið var á fundi bæjarráðs fyrir skömmu að Sveitarfélagið Árborg myndi halda áfram aðild að Skólaskrifstofu Suðurlands. Til skoðunar var að hætta aðild að Skólaskrifstofunni og kanna hvort mögulega væri sparnaður af því flytja sérfræðiþjónustu grunn- og leikskóla í Árborg til sveitarfélagsins.
„Eftir að hafa skoðað þetta og rætt við alla aðila var talið heppilegra að gera þetta ekki,“ segir Eyþór.
Í fundargerð bæjarráðs var lagt áherslu á að leitað verði leiða til að hagræða og spara í rekstri Skólaskrifstofu Suðurlands. Eyþór segir að allir aðilar verði að vinna saman að því að hagræða og spara alls staðar sem mögulegt er. „En þó verðum við að varðveita þjónustuna við fólkið,“ sagði Eyþór.
„Ég er ánægður með þennan viðsnúning meirihlutans,“ sagði Eggert Valur Guðmundsson oddviti Samfylkingarinnar í bæjarstjórn Árborgar um málið. „Vonandi verður þetta til þess að styrkja enn frekar samstarf sunnlenskra sveitarfélaga innan SASS,“ bætti hann við.