Ærslabelgurinn í Hveragerði eyðilagður

Ærslabelgurinn í Hveragerði. Mynd úr safni. Ljósmynd/Hveragerðisbær

Ærslabelgurinn í Hveragerði er ónýtur eftir slæma meðferð en margir hafa hjólað á dýnunni og á henni eru skransför eftir vespu eða hlaupahjól.

Jóhanna M. Hjartardóttir, menningar- og frístundafulltrúi Hveragerðisbæjar, segir að fjárhagslegt tjón af þessu sé verulegt og ekki verði hægt að endurnýja belginn fyrr en á næsta ári.

„Það er dapurt að nokkrir aðilar stundi skemmdarverk sem hefur áhrif á okkur öll. Því þurfum við að minna hvort annað á að ganga vel um,“ segir Jóhanna sem brýnir fyrir foreldrum og forráðamönnum að ræða við börnin sín um mikilvægi þess að fara vel með leiktæki og aðrar eigur bæjarins.

Fyrri greinFrú Vigdís smakkaði heimsfrægar pönnsur hjá Björgu
Næsta greinBeið á bílþakinu í tvo klukkutíma