Björgunarsveitir landsins þurftu að sinna fjölmörgum verkefnum í gærkvöldi. Að frátöldum fjölmörgum vegalokunum sem björgunarsveitir sinntu fyrir Vegagerðina var eitthvað um útköll vegna foktjóns.
Engin útköll voru þó á Suðurlandi vegna foktjóns en Björgunarsveitin Ingunn á Laugarvatni og Hjálparsveitin Tintron í Grímsnesi þurftu að aðstoða ferðalanga á Þingvallavegi og í Grafningi.
Þar voru nokkrir bílar fastir og var fólkinu komið í gistingu á Selfossi en einhverja bíla þurfti að skilja eftir.
