Stjórnarkjöri í Verkalýðsfélagi Suðurlands lauk í dag. Tveir listar voru í framboði, A-listi uppstillingarnefndar og B-listi. A-listinn sigraði með yfirburðum, hlaut 86,44 prósent atkvæða.
Á kjörskrá voru 1.787 einstaklingar. Atkvæði greiddu 354, eða 19,81% þeirra sem voru á kjörskrá.
A-listi hlaut 306 atkvæði eða 86,44 % greiddra atkvæða og B-listi hlaut 43 atkvæði eða 12,15% greiddra atkvæða. Fimm skiluðu auðu, eða 1,41%.