Guðrún Hjörleifsdóttir í Súluholti í Flóahreppi fékk afhentan nýjan appelsínugulan Toyota Aygo X-Cite hjá Toyota Selfossi í byrjun desember sl.
Guðrún, sem er 83 ára gömul, er virkilega ánægð með nýja bílinn sem sker sig úr í umferðinni enda er hann appelsínugulur með svörtum línum og svörtum felgum. Eins og nýi eigandinn segir er hann ótrúlega töff.
X-Cite bíllinn er ríkulega útbúinn en staðalbúnaður í honum er bakkmyndavél, handfrjáls búnaður, spólvörn og stöðugleikakerfi en bíllinn kemur á 15” álfelgum. Guðrún bætti þó um betur og lét m.a. setja svarta hliðarlista á bílinn og filmur í rúður.
Guðrún hefur lengi verslað við Toyota Selfossi og segir það ekkert vera að fara að breytast enda sé hún ánægð með þjónustuna og starfsfólkið.