Lögreglan á Suðurlandi kærði 92 ökumenn fyrir að aka of hratt í liðinni viku.
Sektarupphæðin er samanlagt rúmlega 7,5 milljónir króna og af henni eiga erlendir ferðamenn um 2/3 hluta.
Fimm voru kærðir fyrir að nota ekki öryggisbelti við akstur og einn þeirra var að auki í símanum án handfrjáls búnaðar. Svo var reyndar um tvo aðra en báðir höfðu þó þá málsvörn að hafa spennt á sig beltin.