Um 600 konur úr 23 kórum taka þátt í Landsmóti íslenskra kvennakóra sem haldið er á Selfossi um helgina.
Í dag voru haldnir tvennir tónleikar og á morgun syngja allar konurnar saman á stórtónleikum í íþróttahúsinu Iðu kl. 15.
Gígjan, landssamtök kvennakóra, heldur kvennakóramót á þriggja ára fresti. Mótið á Selfossi er langstærsta kvennakóramót sem haldið hefur verið hér á landi.
Á hátíðartónleikunum á morgun koma kórarnir fram nokkrir saman í hópum og svo 600 konur í risastórum kór ásamt Stórsveit Suðurlands.