Í dag eru 48 einstaklingar í einangrun vegna COVID-19 í umdæmi Heilbrigðisstofnunar Suðurlands.
Flestir eru í einangrun í Árborg, tólf einstaklingar, þar af níu á Selfossi. Þá eru 79 manns í sóttkví á Suðurlandi og langstærstur hluti þeirra á Selfossi, 47 manns.
Þetta kemur fram í tölum frá Heilbrigðisstofnun Suðurlands.
Í gær greindust 66 manns með kórónuveiruna innanlands í gær og voru 48 utan sóttkvíar, að því er fram kemur á covid.is.