Heppinn Íslendingur, sem keypti sér miða í N1 við Austurveg á Selfossi, var meðal þeirra tíu sem deila með sér öðrum vinningi í EuroJackpot í kvöld.
Fær hver vinningshafi rúmlega 336 milljónir króna í sinn hlut.
Tölur kvöldsins voru 5 – 34 – 35 – 42 – 46 og stjörnutölurnar voru 3 og 5. Fyrsti vinningur gekk ekki út að þessu sinni.
Hinir miðarnir voru keyptir í Finnlandi, Slóveníu, tveir í Svíþjóð og fimm í Þýskalandi.
Enginn var með 1. vinning í Jóker en fimm voru með 2. vinning og fær hver 125.000 kr. Einn miði var keyptur í Lottó appinu og fjórir á lotto.is.