Alls eru nú 33 einstaklingar í sóttkví á Suðurlandi vegna COVID-19, samkvæmt nýjustu upplýsingum í kvöld frá Hirti Kristjánssyni, sóttvarnarlækni suðurumdæmis.
Flestir eru í sóttkví í Árnessýslu, þrettán í Árborg, Hveragerði og Ölfusi og ellefu í uppsveitunum.
Þá eru sex manns í sóttkví í Rangárvallasýslu og þrír í Vestmannaeyjum.
Að sögn Hjartar hafa nokkrir lokið sóttkví á Suðurlandi og sem stendur eru engin staðfest smit staðsett á Suðurlandi. Heildarfjöldi tilfella á Íslandi sem stendur er 117.