300 viðskiptavinir tilnefndu styrkþega

Karen Rúnarsdóttir, markaðsstjóri Krónunnar.

Góðgerðarstyrkur Krónunnar, sem veittur er fyrir jólin ár hvert, var í ár valinn með hjálp viðskiptavina Krónunnar á samfélagsmiðlum. Sérstök áhersla var á að styrkja félög sem sinna matarúthlutunum.

Fá þau félög styrk í formi gjafakorta sem gefa skjólstæðingum félaganna kost á að versla sjálfir í matinn. Meðal þeirra sem fengu styrki var Selfosskirkja.

Yfir þrjúhundruðir viðskiptavinir tóku þátt í að tilnefna styrkþega og voru fjölmörg málefni tilnefnd. Í ár var því ákveðið að fjölga styrkþegum í tuttugu en í fyrra voru þeir fimmtán.

„Krónan vill leggja sitt að mörkum til þess að gera öllum kleift að eiga gleðileg og áhyggjulaus jól. Síðastliðin ár höfum við fengið viðskiptavini til þess að aðstoða okkur við val á málefnum. Það var sérstaklega ánægjulegt að sjá hvað margir tóku þátt og greinilegt að hugur fólks er hjá þeim sem líða skort yfir hátíðarnar,“ sagði Karen Rúnarsdóttir, markaðsstjóri Krónunnar við þetta tilefni.

Yfirlit yfir styrkina má sjá hér að neðan:

Gjafakort fyrir þá sem sinna matarúthlutun
Mæðrastyrksnefnd Akraness
Mæðrastyrksnefnd Hafnarfjarðar
Mæðrastyrksnefnd Kópavogs
Mæðrastyrksnefnd Reykjavíkur
Hjálpræðisherinn
Jólasjóður Fjarðarbyggðar
Kirkjan á Selfossi
Kirkjan í Vestmannaeyjum
Velferðarsvið Reykjanesbæjar
Fjölskylduhjálpin

Fjárstyrkir
Downs félagið
Einstök börn
Frú Ragnheiður
Hjálpræðisherinn
Kirkjan á Selfossi
Konukot
Krabbameinsfélagið
Kraftur
Mæðrastyrksnefnd Reykjavíkur
Neistinn
Samhjálp