Í dag kl. 13:59 mældist skjálfti af stærðinni 3,3 í Vatnafjöllum fremri, tíu kílómetrum sunnan við Heklu.
Lítil eftirskjálftavirkni mælist en Veðurstofunni hafa borist tilkynningar um að skjálftinn hafi fundist í byggð, en upptök hans eru 33 km norðaustur af Hvolsvelli.
Þetta er stærsti skjálfti sem hefur mælst á svæðinu síðan í janúar á þessu ári, en þá varð skjálfti af stærð 2,6 á svipuðum stað.