Í dag höfðu 365 Ölfusingar kosið í fyrstu rafrænu íbúakosningunni á Íslandi, eða 25,5% af þeim 1.432 sem eru á kjörskrá í Sveitarfélaginu Ölfusi.
Kosningin, eða öllu heldur könnunin, hófst þann 17. mars síðastliðinn en henni lýkur næstkomandi fimmtudag.
Þar er kannaður áhugi íbúa á að fara í sameiningaviðræður við önnur sveitarfélög, og þá líka við hverja ætti helst að ræða.
Einnig er kannaður áhugi íbúa á að breyta tímasetningu Hafnardaga.