1. maí hátíðarhöld á Selfossi

Stórglæsileg hátíðardagskrá verður á Selfossi á baráttudegi verkalýðsins á morgun. Gengið verður frá Tryggvaskála að Austurvegi 56 kl. 11.

Félagar í hestamannafélaginu Sleipni fara fyrir göngunni og Lúðrasveit Selfoss spilar.

Ræðumenn dagsins eru Guðmundur Gunnarsson rafiðnaðarmaður og Guðrún Jónsdóttir frá Félagi eldri borgara á Selfossi. Fundarstjóri er Stefanía Geirsdóttir frá FOSS.

Lína langsokkur skemmtir og hljómsveitin Blár Ópal flytur nokkur lög. Félagar í Bifreiðaklúbbi Selfoss sýna eðalvagna á svæðinu.

Stéttarfélögin bjóða börnum andlitsmálningu og stuttan reiðtúr sem Sleipnismenn sjá um.

Í tilefni dagsins bjóða stéttarfélögin síðan gestum upp á hátíðarkaffi.