Björgunarsveitir Slysavarnafélagsins Landsbjargar voru kallaðar út síðdegis í dag til að aðstoða göngukonu sem féll og slasaðist illa á öxl.
Konan, sem var á ferð með gönguhópi í grennd við fjallið Strút norðan Mýrdalsjökuls, var orðin köld og blaut er hjálpin barst, enda töluverð rigning á svæðinu og nokkur vindur.
Þyrla Landhelgisgæslunnar var einnig kölluð til. Hún náði að lenda í grennd við slysstaðinn og flutti konuna á sjúkrahús í Reykjavík.