Þyrla Landhelgisgæslunnar sótti nú fyrir skömmu slasaðan vélsleðamann skammt suður af Klukkuskarði, norðan við Kálfstinda í Bláskógabyggð.
Maðurinn var þar á ferð ásamt félögum sínum og var fluttur á sjúkrahús í Reykjavík. Talið er að hann sé fótbrotinn.
Björgunarsveitir Landsbjargar voru sendar áleiðis til öryggis ef þyrlan gæti ekki athafnað sig en til þess kom hinsvegar ekki.