Þrír vélhjólamenn voru fluttir á sjúkrahús í gær samkvæmt upplýsingum frá Landspítalanum en allir voru þeir þátttakendur í endurokeppni sem fram fór í nágrenni Kirkjubæjarklausturs.
Einn þremenninganna var fluttur á Landspítalann í Fossvogi með þyrlu Landhelgisgæslunnar en ekki fengust upplýsingar um líðan hans. Hinir tveir voru fluttir með sjúkrabifreið. Meiðsl þeirra munu ekki vera alvarleg.