Lögreglan á Selfossi handtók þrjá karlmenn á þrítugsaldri á tjaldsvæðinu á Flúðum í morgun. Mennirnir eru grunaðir um eignarspjöll og þjófnað úr bíl á tjaldsvæðinu.
Mennirnir voru fluttir í fangageymslur á Selfoss og voru yfirheyrðir í dag.
Lögreglan hafði í fleiri horn að líta í nótt og í morgun því einn ökumaður var tekinn fyrir ölvun á Flúðum í nótt og annar á Þingvallavegi við Álftavatn.