Samtök sunnlenskra sveitarfélaga hafa sent frá sér skýrslu þar sem sést hvernig þróun skráðra sumarhúsa hefur verið milli sveitarfélaga landsins frá 1997 til 2013.
Af fimm töluhæstu sveitarfélögunum í lok árs 2013 eru tvö á Suðurlandi; Grímsnes-og Grafningshreppur og Bláskógabyggð. Næst kemur Borgarbyggð og þar á eftir eru Kjósarhreppur og Skorradalshreppur.
Grímsnes- og Grafningshreppur og Bláskógabyggð bera höfuð og herðar yfir önnur sveitarfélög á Suðurlandi og á landinu öllu hvað fjölda skráðra sumarhúsa varðar. Saman eru þessi tvö sveitarfélög með 70% af öllum sumarhúsum á Suðurlandi og 36% á landsvísu.
Næst þeim á Suðurlandi koma Rangárþingin tvö og Hrunamannahreppur.