Um hádegi á laugardag valt jepplingur á Suðurlandsvegi á Mýrdalssandi eftir að ökumaðurinn missti stjórn á bílnum í hálku.
Bifreiðinni var ekið í vesturátt þegar hún kom á vegarkafla sem á voru hálkublettir. Þar missti ökumaðurinn stjórn á bifreiðinni sem fór útaf veginum og valt, að talið er, tvær veltur.
Með ökumanni voru tveir farþegar. Grunur var um að einn hefði brákast á hendi en hinir hlotið minni háttar meiðsl. Hlúð var að fólkinu í sjúkrabifreið sem kom á staðinn.
Annars voru þrettán umferðaróhöpp og slys tilkynnt til lögreglunnar á Suðurlandi um helgina.