Þrjátíu of hratt á Sandskeiðinu

Lögreglan myndaði brot 30 ökumanna á Suðurlandsvegi í dag þegar fylgst var með ökutækjum sem var ekið um Suðurlandsveg í austurátt, að Bláfjallavegi.

Á einni klukkustund, eftir hádegi, fóru 320 ökutæki þessa akstursleið og því óku allnokkrir ökumenn, eða 9%, of hratt eða yfir afskiptahraða. Meðalhraði hinna brotlegu var 104 km/klst en þarna er 90 km hámarkshraði. Sá sem hraðast ók mældist á 117.

Vöktun lögreglunnar á Suðurlandsvegi er liður í umferðareftirliti hennar á höfuðborgarsvæðinu.