Þorlákshöfn og Ölfus tengjast Ljósleiðaranum

Gagnaveita Reykjavíkur mun byggja upp og reka háhraða ljósleiðarakerfi, í Þorlákshöfn og Ölfusi. Fyrirtækið og Sveitarfélagið Ölfus hafa gert með sér samning þessa efnis og verður tengingum lokið á þessu ári.

Kerfið verður í eigu Gagnaveitunnar, sem einnig sér um rekstur þess. Ýmis fyrirtæki munu bjóða íbúum sveitarfélagsins net-, síma- og sjónvarpsþjónustu um Ljósleiðarann.

Í tilkynningu frá Gagnaveitunni segir að Ljósleiðarinn er öflugasta fjarskiptatenging sem í boði er. Það sé því bylting fyrir íbúa og atvinnurekstur að geta tengst ljósleiðarakerfi Gagnaveitunnar, sem nú þegar nær til um 60 þúsund heimila á sunnan- og vestanverðu landinu.

Gert er ráð fyrir að tengja bæði heimili í Þorlákshöfn auk í dreifbýli sveitarfélagsins. Undirbúningur verksins er hafinn og jarðvinna í þéttbýlinu hefst í apríl. Gert er ráð fyrir að þjónusta um ljósleiðarakerfið verði í boði í október í þéttbýlinu og í desember í dreifbýli.

Það voru þeir Gunnsteinn R. Ólafsson bæjarstjóri Ölfuss og Birgir Rafn Þráinsson framkvæmdastjóri Gagnaveitu Reykjavíkur sem rituðu undir samninginn í dag.