Þjórsárskóli í skógarferð

Í síðustu viku fóru nemendur og starfsfólk Þjórsárskóla í sína árlegu haustferð í þjóðskóginn í Þjórsárdal. Að þessu sinni var dvalið á fjölskyldutjaldsvæðinu og settar upp fjórar stöðvar sem hóparnir skiptust á að sækja.

Nemendurnir lærðu meðal annars að tálga, afberkja skrautgreinar og kljúfa asparkubba og elstu börnin smíðuðu borð. Svo vel gekk smíðavinnan að þau smíðuðu tvö borð sem skólinn fær til að nota í útinámi á skólalóðinni.

Skógrækt ríkisins er að hefja nýtt tímabili í þróunarsamstarfi við Þjórsárskóla þar sem stigin verða ný skref í skógartengdu útinámi sem eiga að leiða til útgáfu nýrra skógartengdra verkefna fyrir verkefnefnabanka Lesið í skóginn.

Þjóðskógurinn í Þjórsárdal verður aðalvettvangur þeirrar vinnu sem vonast er til að tengi skólann og samfélagið enn nær skóginum en þegar orðið með fyrra samstarfi sem staðið hefur í 4 ár.

Frá þessu er sagt á heimasíðu Skógræktarinnar.