Frískandi bláberjamöndlumjólk

FAGURGERÐI – MATUR // Þessi drykkur er súper einfaldur og súper hollur.

Þið eruð enga stund að búa hann til – og heldur enga stund að drekka hann.

Hráefni:

  • 500ml möndlumjólk (heimatilbúin eða keypt)
  • 2 dl frosin bláber
  • ¼-½ tsk kanill (fer eftir smekk)
  • 2 msk chiafræ
  • Nokkrir dropar af steviu (passa að setja ekki of mikið)

Aðferð:

Öllu blandað mjög vel saman, hellt síðan í glas og hvers sopa notið.

ATH. #1 Þið getið annað hvort búið til ykkar eigin möndlumjólk eða keypt tilbúna út í búð. Ég mæli með möndlumjólkinni frá Eco Mil. Hún er lífræn, sykurlaus og laus við öll óæskileg aukaefni. Munið – alltaf lesa innihaldslýsinguna á öllu, líka á heilsuvörum

johanna@sunnlenska.is